ماكنت أقتنع أبداً إني فيني رهاب اجتماعي ... أبداً


بس كل ماكتبت موضوع وأوضح فيه معاناتي .. ألقى الردود كلها ... انتي فيك رهاب اجتماعي !!!

لكن لما أروح أبحث عن أعراض الرهاب ألقى مونفس اللي فيني بالضبط !!!

يعني أنا أتمنى أكون شخصيه اجتماعيه ظريفه وعفويه والكل يحبني ...

ماأتمنى أنطوي على نفسي أبداً .. وماأحب العزله ..


عموماً .... اذا كان اللي فيني رهاب اجتماعي ... فهل يوجد حل ؟؟؟


أتمنى تساعدوني ... لأني ماأقدر أذهب لأي طبيب نفسي .. لكن ممكن أتواصل معاه تلفون او ايميل وبس ...


ساعدوني ... والله وضعي حرج ... طنشت كثير مناسبات واجتماعات لأعمامي وبنات عمي ... وصارو يسألون عني كثيير ... لكن موبيدي


رغم اللي يشوفني مايتوقع ابداً ان يكون فيني رهاب ... الحمدلله أنا جميله جداً وأنيقه ومثقفه وكثيييير بنات معجبات فيني ... بس ماأدري ليش ....

وعندي أختي أقل مني جمال وثقافه ... بس تنطلق مع الناس وتنسجم معاهم ... وتحب الجمعه .... وهذا الشي يحزني بصراحه ويحيرني بنفس الوقت ...

قبل شهرين .. كانت عزيمه عند خالتي .. تضايقت مره وكل شوي اناظر الساعه متى أرجع البيت وارتاح ... ماانسجمت نهائياً مع بنات خالتي وماحبيت سوالفهم ... أبد ماحبيتها ... ولما جو يلعبون لعبه جماعيه .. كل وحده تاخذ كرت وتقول امنيتها للي تحمل بطاقه وردي ... الخ لما جا الدور علي
..... ابتلشت ... تمنيت لو ماجت هاللحظه ... قالو لي يلا دورك ... مشكلتي أبي أتكلم بس في شي ثقييييييييييييل يمنعني ... ماادري ... وجهي تغير لونه وحسيت بسخونه .... وفقدت تركيزي وماعرفت آخذ واعطي بالكلام ... يعني بجد اشفقت على نفسي .... ماادري ليش ...


ومن بعد ذيك الليله قررت ماأروح لمناسبات اعمامي واخوالي نهائياً

... بس لما أروح الملاهي واقابل صديقاتي يصير الوضع مختلف تماما

يعني عادي تلعب ونتمشى وأسولف معاهم عادي وهم يحبوني مرررره ويدلعوني ..

ماادري ليش شخصيتي عند صديقاتي تختلف تماما عن شخصيتي مع قريباتي ؟؟؟


أبي أعرف وش السبب ؟؟؟