حيـاتك ما ينفعــش تكـون لـون واحــد ...

كتيــر من النـاس بيمـوتوا فى اللون الأحمــر
زى اللى موجـود كده فى اشـارة المـرور واللى معنــاه
قـف .!!
مـش بيشـوف غيـره ابـداً ..
لوعنـده حـلم عـايز يحقـقه
يجهـز نفسـه ويستعـد وفجــأه : يظهـر اللون الأحمـر علشـان يقـوله :
قـف .!
رايـح فيـن ؟
انـت عمـرك ما هاتحقق الحـلم ده ابـدا ..

ولـو اتحـرم كتيـر من لذة القـرب من ربنـا ونعمـة الإلتـزام ..
ويبقـى مشـتاق اوى لركعتـين بالليـل هـو وحبيبـه ويختـلى بربـه ويكلمـه .
فجـأه يظهـر ذنـب ليـه قدام عينـه كان بيعمـله قبـل كده وتـاب منـه خلاص ..
وعلشـان مش عنده حسـن ظن بربنـا الرحيـم اوى ..
يبدأ يسأل نفسـه
ياتـرى ربنـا غفـره ليـا ولا لأ ..؟
أو حـد يهبط من عزيمتـه ويتـريق عليـه ويقـوله :
انـت هاتعمـل فيهـا شيـخ ولا ايـه ..؟
فيشـوف قدامـه اللون الأحمـر بيقـوله ..
قـف .!!
رايح فيـن .؟
انـت عمـرك ما هاتتغيـر ابـداً

ويفضـل الانسـان واقـف عنـد خـط البدايـة مش عارف يتحـرك
لأن حيـاته كلها عبـارة عن لون واحـد بيقـلل من قدراتـه وطموحـاته
ويمـلأ حياتـه باليـأس
وكـل النـاس هاتعـدىه وتسـبقه
وفيـه اللى هايفضـل واقف وراه بيزعـق ليه ويقـوله :
انـت واقـف كده ليـه ..؟
اقـف فى جنـب ..
انـت عائق لغيـرك فى انـه يكمـل حلمـه
..
انـت ذائـد على الحيـاة مش ليـك قيمـة.

وفيـه كتـير جداً من النـاس حيـاتهم مليـانة باللون الأخضـر ..
واللى معنـاه انطـلق .
. وحـقق يالا حلمـك وسيـبك من خوفك وكـلام المحبطيـن حواليـك ..

انـــت بس اللى تقـدر تحدد قدراتـك وامكـانياتك ..
وانـت بس اللى عاف ايـه الحـاجه اللى بتسعـدك وتفـرح قلبـك لو حققتهـا ..
يبقـى سيبـك من كـلام اى حــد مش فاهـم ايـه اللى جواك ..
وبـص لقدام وانـت محـقق اهدافك والنـاس كلهـا فخوريـن بيـك وبيشجعـوك ..

وخـلى بالـك ...!!

حيـاتك انـت بس اللى هاتشكـلها وتختـارها مـش حد تانـى ..
ولمـا تشكـلها شكلهـا صح ..
واختـار الحـاجه اللى بتحبهـا وبتبدع فيهـا وهاتكون متميـز فيهـا ..
مش الحـاجه اللى هايختارهالك النـاس ويقولولك شايفينك هاتبقـى لايـق فيهــا ..

مـن النهــارده خـلى فـى حيـاتك لونيـن ..
وارفع شعـار :
ما ينفعـش لون واحـد
وانـطلق فى تحـقيق حلمـك بكـل ثقـة وثبـات .