في برنامج لقاء النجاح مع د/ابراهيم الفقي , د/ابراهيم بيتسضيف الشخصيات الناجحة في مختلف جوانب الحياة , ومن خلال عرض قصة النجاح الخاصة بالضيف , د/ابراهيم بيوضح لنا الاستراتيجيات اللي اتبعها الشخص ده علشان يحقق اهدافه , وينتصر علي نفسه , ويوصل فعلا للنجاح في حياته .
مفهوم الاعاقة

كتير جدا بنشوف حواليا اشخاص بيكونوا غير مكتملي البنية الجسمانية , لاي سبب من الاسباب بيكون وصفنا الدقيق الاشخاص دول انهم ” معاقين ” , بمعني انهم غير قادرين علي القيام بالامور اللي بيقدر اي شخص طبيعي القيام بيها , بطل لقاء النجاح في الحلقة دي مع د/ابراهيم الفقي و هو البطل خالد حسان , واللي قدر ينتصر علي نفسه , ويحقق انجاز كتير جدا من الاشخاص الطبيعين مايقدرش يقوم بيه , خالد حسان عبر بحر المانش و في حين ان خالد كان تعرض لحادث وهو صغير تسبب في فقدان خالد حسان احد ساقيه , واصيب الساق الآخر بشكل مبالغ , خالد حسان بيحكي قصة نجاحه , ود/ابراهيم الفقي بيشرح لنا الاستراتيجيات اللي اتعبها خالد حسان علشان يحقق حلمه في الحياة .
هدية ؟!!

ربنا سبحانه وتعالي بيكون له حكمة بالغة في اي حاجة بتحصل للانسان في حياته , ورحمة ربنا سبحانه وتعالي كبيرة جدا وشاملة لكل مخلوقات ربنا , وساعات كتيرة بنتعرض في حياتنا لامور صعبة , ولحظات عصيبة , ومواقف بجد بتمني ان حياتنا كانت تنتهي قبل ما نمر بيها , لكن .. دايما الحكمة بتكون ضالة الانسان المؤمن , وعشان كدة علمنا النبي عليه الصلاة والسلام اننا نحمد ربنا ونشكره في الخير والشر , في السعادة والحزن , وعلمنا الصبر واحتساب الاجر عند ربنا سبحانه , لكن قليل مننا هو اللي بجد بيصبر وبيسحمل , خالد حسان من الناس اللي اعتبروا ان الحادث اللي فقد فيه ساقه , كان هدية من عند ربنا سبحانه وتعالي , خالد من لحظة الحادث وهو شاف ان حياته اتعيرت , وان الحادث كان من اهم الاسباب اللي ربنا سبحانه وتعالي حقق لخالد النجاح في حياته عشانه ,
الاحساس بالإختلاف

موضوع هام جدا في حياتنا , لكن علي اساس الفهم الصحيح للاسباب دي , بنختلف ما بين انسان ناجح وانسان فاشل , وهو الاختلاف , كتير سمعنا عن اشخاص كان اهلهم في ظروف مادية صعبة جدا , لكن الاشخاص تميزت في الحياة بشكل ملحوظ جدا , وتفوقوا علي اصدقاء ليهم اهلهم ظروفهم المادية مرتفعة جدا , كمان بالنسبة للحالة الصحية , قد ايه سمعنا عن مكفوفين وغيرهم تفوقوا بشكل ملحوظ جدا علي اصدقائهم الطبيعين , والسبب بيكمن في ان الشخص لو فهم ظروف الاختلاف صح , هيتوكل علي ربنا سبحانه وتعالي , وهيزيد اصراره علي تحقيق النجاح , اما في الفهم الخاطئ لظروف الاختلاف , وان الانسان يفضل يشكي ويلوم ويحقد علي الآخرين , فهيكون صعب جدا انه يحقق اي نجاح في حياته , خالد حسان من الناس اللي فهمت امور الاختلاف صح , وبالتالي قدر تيغلب علي اي حساس سلبي , وانطلق بجد واجتهاد لتحقيق هدفه في الحياه , كتير جدا من الامور هنتعلمها في لقاء النجاح مع خالد حسان .