اضغط على الصورة لعرض أكبر.  الإسم: selfdevelopment.jpg  مشاهدات: 28  الحجم: 19.6 كيلوبايت  الهوية: 4427


استراتيجية تحقيق الأهداف


استراتيجية تحقيق الأهداف


لكي تحقق هدفك لازم يكون ليك حلم.. والحلم ده يكون هو الوقود الذي يحركك و يعطيك الدوافع انك لاتيأس..



ما هي مواصفات هذا الحلم؟



القاعدة المهمة هنا هي :




لاتضع سقف لأحلامك براحتك... خليك طموح.. خليك متطلع.. لو حلمك صغير هاتفضل صغير.. لو حلمك كبير و مؤمن به ..يبقى لازم هاتحققه و تكون كبير...



كان فيه شاب معوق اسمه خالد حسان ..فقد ساقه اليسرى في حادث سيارة في العاشرة من عمره... الشاب ده كان حلمه إنه يعدي المانش..!!!




تخيل ؟؟ شايف الحلم ده ؟؟



سباحين عالميين حاولوا يعملوها لان عبور المانش صعب جدا.. التيارات البحرية و درجة الحرارة و المسافة الطويله التي كانت عقبة أمام أي سباح محترف... لكن خالد كان مؤمنا بحلمه.. كان عارف إنه ممكن يعملها .. وفعلا خالد حسان هو أول معوق في العالم استطاع أن يعبر المانش سنة 1982 و حقق حلمه الذي كان يحلم به... إيه رأيك ؟



- أحكي لكم قصة ثانية ؟ كان فيه تلميذ في مدرسة دسوق الإعدادية إسمه أحمد حسن.. كان مؤمن بحلم.. هو إنه يكون عالم كبير و يحقق اكتشافات علمية تسجل عالميا باسمه !!



شايف الحلم ده كبير ازاي ؟ هذا التلميذ ظل مؤمنا بحلمه و لم ييئس من الظروف ....



استطاع (أحمد حسن زويل ) أن يحصل على جائزة نوبل في الفيزياء و يكون واحد من أعظم العلماء في التاريخ...



توماس إديسون كان بيحلم انه يخترع حاجه تنور بالكهرباء من غير وقود.. و عمل 999 تجربة فاشلة الي ان الناس سخروا منه و من حلمه .. دلوقتي اللمبة في كل بيت..



اكتشاف العلماء
إن الباحثين درسوا سلوك الناجحين في جميع المجالات .. اكتشفوا إن كل واحد فيهم كان له حلم كبير و كان مؤمن به جدا



.. اجعل إيمانك بحلمك هو القوة التي تجعلك تتخطى أي عقبة..


اجعل إيمانك بحلمك قوي لدرجة إنك تقف و تتخطى أي صدمة.. لأنك مؤمن تماما إنك ستصل لهدفك في النهاية...


..و كل شيء ممكن طالما عندك هدف نبيل و حلم عايز تحققه..