سمعنا قبل كده كام حد بيقول الجمل ديه؟
طب كان ردنا عليه ايه؟
طب وفقنا داخل نفسنا على رائيه؟
طب قلنا ليه،عندك حق؟
ولا وفقنا فى حاجات وعرضنا فى حجات تانيه؟
اهم شئ قبل ما تكمل قرايه الموضوع،جاوب.

نرجع تانى كلنا عايزين فلوس(المال) وده مش عيب لا ده حق مشروع لكل انسان،وعلشان نحصل على الحق ده،لازم نكون عارفين شويه امور مهمه ممكن تغيب عن عقلنا بسبب بعض المعوقات الخارجيه والداخليه السلبيه منها والايجابيه،هنتكلم وحده وحده دلوقتى فى الحاجات ديه....

اسمح لى ان اسئك،،،
هو انت عايز فلوس؟
انت ممكن دلوقتى تكون بتقول ايه السؤال العبيط ده،طبعآ عايز فلوس هو ده سؤال محتاج اجابه.
طبعآ انت عندك حق وانا كمان لسه قايل ان ده حق مشروع لكل انسان.
اسمح لى ان ازيد كلمه مكونه من ثلاث حروف على السؤال السابق،
هو انت عايز فلوس ليه؟
عايز فلوس ليه!!! انت اكيد بتهرج (ممكن تقول كده)
تعالى نفكر بعقل وعمق شويه هو احنا عايزين الفلوس ليه؟!!!،
هتقولى عشان اقدر اعيش حياه كريمه،
وكمان اقدر احس بالامان،
اكون ذو قيمه بين الناس،
وكمان اشترى اللى انا عاوزه،
واشتري بيت يكون كبير،
وعربيه تكون كويسه،
وحاجات تانيه كتير،.........،.......،........،.......... .

"طبعآ ده مش كلامى ديه كانت بعض ردود متدربين فى احدى دوراتى،وكانت اجابه على السؤال السابق،طبعآ ديه متطلبات عامه يعنى عندك بعضها او كلها او تزود عليا كمان.
طب تعالى معايا لسؤال تانى،،،

هو اللى انت عاوزه مينفعش يتحقق غير بالفلوس؟!

يعنى هنفرض انك عايز فلوس عشان تحس بالامان،طب هو الامان ايه اللى ربطه مع الفلوس؟ يعنى ايه علاقه الامان بالامكانيات الماديه؟،احنا كتير بنربط بعض الاشياء مع بعض وبتكون ملهاش صله ابدآ ببعض،يعنى مثلآ:
ايه علاقه الفلوس بالسعاده؟!!
ايه علاقه الفلوس بالامان؟!!
ايه علاقه الفلوس بقيمتك بين الناس؟!!
وافكار كثيره زى ديه وغيره طبعآ انا مش بدعى الكمال لله وحده،انا بس عايز اوصل افاده حقيقه ليكو عشان كلنا بنتعلم من بعض ومع بعض فى الخير والنجاح بآذن الله.

تذكر،،
قال تعالى ( استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا (
سورة نوح الايه (11)