كيف تدخل الدفء على قلب زوجتك؟

[Ibtihal Alzaki]

يا رجال.....أدخلوا الدفء على قلوب زوجاتكم بتصرفات بسيطة، وفي هذا المقال سنعرض لكم فكرة رومانسية حاولوا تطبيقها وستأتي بنتائج جميلة بإذن الله أمور ستحتاجها: • باقة من الورود الطبيعية. • وردة صناعية مطابقة للطبيعية. الخطوات: 1- اشتري لزوجتك باقة ورود طبيعية. 2- اشتري وردة صناعية مطابقة للطبيعية. 3- ضع الوردة المزورة فيما بين وردات الباقة الحقيقية. 4- قل هذا لزوجتك: "سأحبك حتى تموت آخر وردة في هذه الباقة" و لن تستطيع هي أن تكتشف لعبتك، و ستظن حينها بأنك شخص مجنون ولكن في النهاية سترى أن نتيجة تلك اللعبة جعلتها تستحق كل هذا العناء. 5- عليك ألا تخبر زوجتك بحقيقة ما فعلته! واتركها تكتشف ذلك بنفسها. سوف تتعجب من كون جميع الورد في الباقة بدأ يجف و يموت و بقت تلك، وعندها ستتذكر ما قد قلت لها، وقبل أن تنتبه بأن تلك الوردة غير حقيقية ستعتقد بأن هناك شيء خيالي يحدث. كانت تلك طريقة واحدة تستطيع بها أن تدخل الدفء على قلبها. فالأشياء المخفية و المفاجئة كتلك الطريقة هو من أجمل ما يكون في علاقتكما الزوجية


المصدر :الاسرة السعيدة

[علي العمودي]

أشكر الاخت ابتهال على مشاركتها اللطيفة واقتطافها لتلك الأفكار التى قد تجلب السعادة لبعض البيوت وأخرى قد تثير فيها الاشمئزاز السخط والاستخفاف. فإن بعض الزوجات قد لا يتحملن هذا التفكير ويعتبرنه سخيفا وساذجا بأن يصدر من الزوج هذه اللفتات. بعض الزوجات قد يعتبرن هذه الحركات استخفافا بعقولهن وأن الزوج يتلاعب بمشاعرهن , كما أنه لا يقدرهن. في الحقيقة ، ومن وجهة نظري فإني أرى هذه الفكرة مثيرة نوعا ما ، ولكن ما رأي الفتيات والزوجات في هذا الموضوع!؟

[Ibtihal Alzaki]

يسعدني تواجدك بيننا اخي علي ومشاركتك في موضوعي ، وأسمح لي بأن أضم صوتي لصوتك فانا ايضا بانتظار رأي السيدات والرجال ، أود أن نعمل على إضافة أفكار جديدة لندخل الدفء على قلوب الزوجات والأزواج فلا تبخلوا علينا بذلك .

[سعاد محمد السيد]

ااشكرك اختي ابتهال على القاء الضوء على هذه الفكرة و اسمحي لي ان اسميها (افكار عملية لكسر روتين الحياة الزوجية)
لافكار دى انا عملتها لزوجى و عجبته جداااااااااا هى مش افكار كتير و كمان افكار بسيطة و سهلة و ممكن عملها من الحاجات المتوفرة بالبيت او التحضير ليها قبلها بيوم

و ان شاء الله تعجبكم الافكار و ممكن لاى واحدة انها تنفذها و ممكن تغير فيها و تضيف ليها زى ما هى عاوزة

ممكن يكون الموضوع مكرر بس اتمنى انه ينال اعجابكم

الفكرة الاولى :

المستلزمات : عدة كروت صغيرة - شموع - ورد مجفف - عطر جميل - اقلام ملونة

الفكرة : نحضر الكروت و نكتب على كل كرت كلمة حلوة للزوج زى ( بحبك .. بموت فيك .. الله لا يحرمنى منك .. وحشتنى ...... كل واحدة و زوقها ) و مفيش مانع ان احنا نحط رسومات معاها و بعدين ناخد الكروت و نبدا نوزعها فى انحاء الصالة يعنى على الارضيه و الكنب و السفرة ( كل واحدة على حسب تكوين صالتها ) و مننساش جنب كل كرت نحط شمعة و ممكن شوية ورد مجفف حول المكان

و طبعا نكون مطفين النور علشان الشمع يبان و نرش العطر لاعطاء جو جميل و منعش للمكان

يا رب الفكرة تعجبكم و ان شاء الله انزل افكار تانية

و ادعوا لزوجى ان ربنا يسترها عليه منى و من اللى بعمله فيه:d

منقول للفائدة

[سعاد محمد السيد]

الفكرة الثانية
مستلزمات الفكرة : علبة هدايا - صورة من عقد الزواج - ورد مجفف - شموع - ورق a4 - اقلام - شريط هدايا - كروت هدايا - صورة للزوج

الفكرة : 1 - تزينى علبة الهدايا من الداخل و تلفى صورة عقد الجواز بشريط الهدايا و تحطيها فى العلبة و تحطى جنبها صوزة زوجك و ممكن تحطى الصورة فى برواز و ممكن تحطى مع عقد الجواز هدية بسيطة لو تحبى

2 - ترسمى بالورد المجفف قلب على ارضية اى غرفة و تحطى فى وسط القلب علبة الهدايا و تزينى حوالين القلب بالشموع

3 - تكتبى كارت لزوجك و تحطيه على علبة الهدايا و تكتبى فى الكارت زوجى الحبيب الهدية دى جت لى من شخص بحبه و هى هدية غالية قوى و بصراحة انت متقدرش تجيب لى زيها لانها غالية عليك قوى ( طبعا مع الجو اللى انتى عملاه هيتجنن علشان يشوف اه اللى جوا العلبة )

4 - ترسمى على الورق اسهم كبيرة و توزعيها من اول باب الشقة لحد الغرفة اللى فيها العلبة و ممكن تحطى فى وسط الاسهم ورقة مكتوب عليها اى كلمة حلوة لزوجك لو تحبى او ممكن تغلبيه شوية على ما يوصل للعلبة ... زى ما تحبى .. و تحطى ورقة عند بداية الاسهم مكتوب فيها تتبع الاسهم لو سمحت

5 - تزينى الشقة من بداية الاسهم لحد مكان العلبة بالشموع و الورد المجفف و ممكن تزينيه باى حاجة تحبيها

6 - طبعا تتزوقى و تستنى جوزك فى مكان اخر غير اللى فيه العلبة .. بحيث انه يشوفك بعد ما يشوف العلبة


ممكن الفكرة دى تغيرى فيها زى ما انتى عاوزة ... يعنى ممكن متجهزيش اى حاجة من دى و تجيبى العلبة فى شنطة هدايا حلوة و تديها للزوج طبعا مع ذكر الجملة السابقة و ممكن تعمليها فى يوم يكون موافق ذكرة حلوة ليكم .. يعنى كل واحدة على حسب ما تحب

اتمنى ان الفكرة تكون عجبتكم و فى انتظار ارائكم

[سعاد محمد السيد]

الفكرة الثالثة
الفكرة المرة دى ابسط منها مفيش و مش محتاجة غير حاجات بسيطة و ممكن تتعمل فى اى وقت

مستلزمات الفكرة : وردة طبيعية و مجففه ( يعنى تجيبى وردة و تسيبيها لحد ما تنشف لوحدها ) و ممكن كذا وردة - ورقة و قلم

الفكرة : 1 - تجيبى الوردة اللى جففتيها و تفركى ورقها بحيث يكون قطع صغيرة

2 - تجيبى الورقة و يكون حجمها مش كبير يعنى نص ورقة a4 هيكون مقاس مناسب و ترسمى عليه شكل قلب جميل و تزينى الشكل ده بالوردة المجففة و ممكن تكتبى كلمه حلوة ليه جنب القلب او ممكن تحطى صورته جوا القلب و تزينى حواليها بالورد ( علشان يعرف انه فى قلبك على طول )

3 - تعلقى الورقة فوق السرير او فى مكان مميز ليكى انتى و زوجك


و طبعا لو كنتى زى حلاتى مش شاطرة قوى فى الرسم .. ممكن تطبعى اى شكل قلب حلو من على النت و تغطيه بالورد المجفف و متعمليش اى حاجة تانى ... يعنى سيبى الاضاءة عادى جدا ... و بكده هتعرفى مدى قوة ملاحظة جوزك

يا رب تكون فكرتى عجبتكم