موضوع حصري لمنتدى شباب عالنت

طبعا زمان كنا بنستنى جريدة الاهرام يوم الجمعة عشان نشوف الوظائف اللي موجودة فيه وتفضل تتصل بالشركات وتاخد مواعيد وتروح تقدم السيرة الذاتيه بتاعتك (CV) وتستنى دورك وتعمل الانترفيو ويا قبلت يا ما قبلتش



دلوقتي الحياة بقت اسهل بكتير جدا خاصة في الثورة الاتصالات اللي حصلت عالم الانترنت دلوقتي مليان بمواقع التواص الاجتماعي المتخصصة في مجالات الاعمال زي موقع لينكيد ان مثلا http://www.linkedin.com ده يعتبر من اهم المواقع عالميا بيتجمع عليه الشركات اللي بتدور على موظفين وكمان بيبقى موجود عليه الباحثين عن عمل فبتقدر تشوف حجم الشركات واية اللي هي محتاجاهه بشكل مفصل اكتر كل اللي عليك انك تعمل بروفايل محترم لنفسك على الموقع بتدخل تسجل بياناتك عليه وتكتب كل حاجة عنك اي تفصيلة بتبقى مهمة جدا المهم تبقى حاجات فعلا حقيقية وصادقة لأن في ناس بتأفور وتفتكر انها كده بتضحك على الشركات لكن للأسف بيتكشفوا من اول انترفيو فحاول تكتب الحاجات اللي عملتها فعلا والشهادات اللي حصلت عليها بالفعل بعد كدة هتقدر تقدم في اي وظيفة الشركات دي محتاجاها

طيب اية كمان ممكن اعمله غير لينكيد ان في مواقع توظيف كتير بتقوم بدور الوسيط بين الشركات وبين الباحثين عن عمل ودول بقوا كتير بس المهم انك تختار الافضل مابينهم خليني اديك امثلة
مثلا عندنا موقع بيت http://www.bayt.com/ تقدر من خلاله تسجل السي في بتاعك وهم بيرشحوك لوظائف متاحة من خلالهم او بيبعتوا لك اللي يناسبك على الايميل بتاعك

كمان في مواقع تانية زي موقع بيزات http://www.bezaat.com مثلا بتقدر من خلاله تشوف الوظائف المتاحة وتقدم فيها مباشرة من غير تسجيل سيرة ذاتيه ولا حاجة وده اسهل شوية لأنه مش محتاج تسجيل دخول وبيانات والكلام ده كله

يعني لو عايز توصل لحاجة الموضوع بقى اسهل بكتير دلوقتي محتاج منك بس تدور شوية على شبكة الانترنت وماتنساش ان جوجل بيساعدك كتير بمجرد انك تكتب كلمة بحث معينه هتلاقي جوجل يطلع لك خيارات كتير يعني جرب تبحث مثلا بكلمة وظائف خالية ،وظائف ، وظائف مصر، توظيف كل دي كلمات ممكن تلاقي عليها نتايج ضخمة تساعدك انك تلاقي الوظيفة اللي بتحلم بيها .
وبالتوفيق